Bilbao Bizkaia HARROko ordezkaritza bat Budapestera joan da LGBTI+ kolektiboari babesa emateko eta Hungariako Gobernuak abiatutako errepresio-kanpaina salatzeko. Ekintza honekin, erakunde euskaldunak mezu argi eta sendoa helarazi nahi du: LGBTI+ pertsonak ez daude bakarrik, ez Hungarian ez munduko beste inon ere. Bilbao Bizkaia HARROren presentzia Budapesten, ekintza bilakatzen du joan den ekainaren 21ean Bilbon egindako lehenengo LGBTI+ martxaren leloa, zein 5.000 pertsona bildu zituen eta honako goiburua zeraman: “Ante el odio, HARROtasunak planto”.
Azken aldian LGBTI+ eskubideen aldeko ekintzak eta mobilizazioak debekatzeak Hungariako Estatua errepresio-egile eta etsai bihurtu du, eta demokraziaren aurkako mehatxu zuzena da. Eraso honek oinarrizko eskubideak urratzen ditu, hala nola elkartzeko eta adierazteko askatasuna, eta Europako Batasunaren balio eta hitzarmenak zuzenki desafiatzen ditu.
Bilbao Bizkaia HARROk gaur arratsaldean Budapest Pride lagunduko du, Europako harrotasun ekitaldi ezberdinetako 60 baino gehiagoren ordezkaritzaren baitan. Ordezkaritza hori European Pride Organisers Association (EPOA) erakundeak gidatzen du, biak erakunde horretako kide izanik. Lankidetza honi esker, euskal erakundeak lehen eskutik ezagutu ahal izan du Hungariako LGBTI+ komunitateak azken urteetan Viktor Orbánen eskuin muturreko gobernupean pairatzen duen eskubideen atzerakada larria.
Gainera, martxa honetara 70 eurodiputatu baino gehiago joango direla iragarri dute, LGBTI+ komunitatearekiko babes eta Hungariako gobernuaren politika errepresiboekiko gaitzespen irmoaren adierazgarri.
“Hungria eskuin muturraren helburuen adibide argia da. Funtsezkoa da kolektiboko pertsonok elkarri babesa ematea. Horrela bakarrik egin dezakegu presio egoera hau alda dadin eta LGBTI+ eskubideak errespetatuak izan daitezen Europan eta mundu osoan”, adierazi du Aratz Castrok, Bilbao Bizkaia HARROko ordezkariak.
Erakundeak nabarmendu du: “Etorri gara Hungriako LGBTI+ komunitateari bakarrik ez dagoela erakustera, eta ez gaituela beldurtzen ez Orbánen gobernuaren mehatxuek, ez errepresioak.”
Bilbao Bizkaia HARROk azpimarratu du aniztasuna gure hirietan defendatzea eta ospatzea zein garrantzitsua den, eta askatasun eta duintasun erreferente izatea homosexualitatea eta transexualitatea kriminalizatzen dituzten herrialdeetako pertsonentzat.
