Ortzadar LGBTI+ elkarteak, gaur bertan alkatearen erantzun ofiziala ezagutu ondoren, onartezintzat jotzen du EH Bilduk gidatutako Plentziako gobernu-taldearen konpromiso absolutu falta, “LGBTI+ arloan ezer egin ez duelako bandera aurkitu ez zutelako”. “Ez zen bandera aurkitu” ezin da izan murrizketa-politikak, ikusezintasuna eta utzikeria ezkutatzeko aitzakia. Egiteak eskatzen ditugu, ez aitzikirik.
Duela gutxi, Aitor Garagarza alkateak ofizialki erantzun du Ekainaren 28an, Harrotasunaren Nazioarteko Egun-ean, ez zela inolako ekintzarik egin “ez zelako bandera aurkitu”. Erantzun barregarria eta iraingarria, kolektiboarekiko mespretxu instituzionala, plangintza faltaren erakusgarri eta borondate politikorik ezaren isla garbia dena.
Ez al die lotsarik ematen Aitor Garagarza alkateari eta bere gobernu-talde osoari euren ekintzarik eza horrela justifikatzeagatik?
LGBTI+ eskubideekiko konpromisoa ez da neurtzen diskurtso hutsekin edo argazki puntualekin, baizik eta ekintzekin eta baliabideekin. Bandera ez egotea ez da ahazte simple bat: udal gobernuaren ekintzarik eza eta benetako interes faltaren sinboloa da. Gainera, egoera hau ez da kasu isolatua. Gaur egungo Plentziako gobernu-taldearen (EH Bildu) agintaldian:
• LGBTI+ politiketan egindako benetako gastua 15.000 eurotik ia zerora jaitsi da, partida orokorretan diluituz.
• Sentsibilizazio eta ikusgarritasun jarduerarik ia ez da antolatzen.
Ortzadar LGBTI+ elkarteak jarrera hau salatu nahi du pinkwashing-aren adibide argia izanik: berez LGBTI+ kolektiboarekiko konpromisoa aldarrikatzen duena, baina praktikan kolektiboa ikusezin bihurtzen du eta baliabideak murrizten dira.
Era berean, Ortzadar LGBTI+ elkartean galdetzen gara zer nolako feminismo eredua defendatzen duten Aitor Garagarza alkateak eta Izaro Gorostidi-k feminismo eta partaidetzako zinegotziak, LGBTI+ kolektiboaren —eta bereziki pertsona transen— ikusgarritasunerako politikak murrizten badituzte. Baztertzen, ezabatzen eta isilarazten dituen feminismoa ez da feminismo inklusiboa ezta eraldatzailea ere. Jarduteko era honek ez du soilik eraginkortasunik, baizik eta ikusgarritasun falta eta diskriminazioa mantentzen ditu, kolektiboari oinarrizko eskubideak eta parte-hartzeko aukerak ukatuz.
Ortzadar LGBTI+ elkarteak ekintzak eskatzen ditu, ez hitz hutsak. Zehazki:
- LGBTI+ bandera Udalean jartzea maiatzaren 17an (LGTBI+fobiaren aurkako Nazioarteko Eguna) eta ekainaren 28an (Harrotasunaren Eguna).
- 15.000 euroko LGBTI+ politiketarako eta ekintzetarako partida espezifikoa berreskuratzea, udalerrian sentsibilizazio-kanpainak egiteko baliabideak bideratuz eta jarduerak garatu nahi dituzten erakundeei lagunduz.
- Berdindu-ren adierazpena udal plenoan sustatzea eta onartzea, eta adierazpen instituzionalak onartzea funtsezko egunetan, hala nola martxoaren 31n (Pertsona Transen Ikusgarritasunaren Eguna), maiatzaren 17an eta ekainaren 28an, kolektiboaren eskubideekiko eta babesarekiko benetako eta irmo konpromisoa erakutsiz.
